Benvidos a Estruga
Benvidos a Estruga. Chámome Maria Xosé, son artesá. Fago diferentes traballos utilizando vexetais e materiais naturais (area, serrín, etc.). Tamen fago acabados de madeira usando técnicas de anticuario e decoración da madeira con vexetais.
Levo moitos anos investigando a conservación e utilización dos vexetais nas artes plásticas. Cumpro as exixencias tanto artísticas como legais que me permiten comercializar os meus produtos baixo a marca “Artesanía de Galicia”.
Un dos principais problemas que presentan as creacións feitas con plantas desecadas é a limitada durabilidade das cores naturais (especialmente os vermellos e azuis) de maneira que en escaso tempo perden intensidade e se acaban difuminando. E moi importante salientar aqui que o proceso que poño en práctica de decoloración das plantas e subseguinte pintado con diferentes tintes que reproducen os naturais permite que as cores perduren de xeito similar a outras creacións plásticas e así obras propias que teñen mais de 10 anos manteñen toda a súa intensidade cromática.
![Lámpada 1 Lámpada 1](http://www.estruga.net/sites/default/files/styles/page_masonry_gallery_image_2/public/LP-1..jpg?itok=TwzZLOtM)
![Caixa 2 Caixa 2](http://www.estruga.net/sites/default/files/styles/page_masonry_gallery_image_3/public/cx-2.jpg?itok=ZCLX1h5W)
![Marco 20 Marco 20](http://www.estruga.net/sites/default/files/styles/page_masonry_gallery_image_4/public/MC.0020.jpg?itok=NXBzYFwC)
Recollida e Preparación
Todos os traballos que eu fago teñen unha primeira fase común que consiste na recollida, secado, desinfección, decoloración e tinxido dos vexetais. A correcta realización destes pasos é fundamental para garantir a durabilidade no tempo da textura e cor dos vexetais . Nese senso hai que ter moi en conta que non todas as plantas admiten o mesmo sistema de secado, decoloración e tinxido.
Elaboración
A seguinte fase do traballo é distinto segundo o tipo de de peza a realizar. No caso dos cadros ésta inclue a elaboración das composicións e do marco e o proceso de selado e enmarcado. No que atinxe as caixas e outras pezas de madeira inclue o acabado da madeira e a decoración coas plantas previamente tratadas que remata cun proceso de vernizado. Para as lámpadas o proceso é similar excluido, loxicamente, o acabado.
Un dos principais problemas que presentan as creacións feitas con plantas desecadas é a limitada durabilidade das cores naturais (especialmente os vermellos e azuis) de maneira que en escaso tempo perden intensidade e se acaban difuminando. E moi importante salientar aqui que o proceso que poño en práctica de decoloración das plantas e subseguinte pintado con diferentes tintes que reproducen os naturais permite que as cores perduren de xeito similar a outras creacións plásticas e así obras propias que teñen mais de 10 anos manteñen toda a súa intensidade cromática.